(((((((((((ّّّّاوفى حبيبهّّّّّ)))))))))))))

من بحور العشق حبيت أكتب لك أحساس الوفا
ومافي أجمل من الوفا
والذكريات
من الحب اللي يبقى رغم كل الظروف وسنوات الفراق

قصيدتي بعنوان
أوفى حبيبه

ياهنى قلبي فيك يومن تكون بداخله
ينعم بإحساس الدفى اللي من سنين فاقده
أبقى وطول السكنى وأبد لاتفارقه
مايمل القلب منك دومك حافظه

أسرح وأمرح بالحشى وداخل الروح
وأجري مع الدم داخل الشريان وخلني أنوح
ماهمني تلعب بأعصابي ولا تزيدني جروح
مدام المحبه بيننا عمري ماأقولك روح

أنت تبقى في البال والكل يرحل
وأغمض عليك جفوني ولا خرج ولا مدخل
ولا ضميت أشرب من دموعي لاتخجل
مهما الدمع غالي عليك ماأبخل

أنته الحبيب اللي شوفته تسعد القلب
ومهما أحبسك في عيوني ماأحس بذنب
عيش بداخلي ترى محنه بغرب
ماجمعنا الدم لكن شي أقرب أسمه حب

ياسعد حظي يوم أنه جمعني فيك
وقربك من بد البشر وخلاني أغليك
صدقني أسعد اللحظات يوم إني أعترف وأشكيك
وأقول قلبي تعلق وصار بين يديك

حن الرقيق ماتحمل جاك يعلن إنكساره
كسرة عزيز كان صابر وإنهزم في إقتداره
ماقدر يبقى محله تركني وجاك بكل جراءه
قال لي في أحد ملكني ويستحقني في جداره

ومن يملك القلب غيرك ياحبيبي
ماكفاك عقلي وروحي إلا تسلبني قليبي!!
لا ...ماأقول لك رده حشاني
بس أبطلبك وأسألك وينه نصيبي

وينه قلبك مبتعد صارله مده
تعبت أنتظر صبري وصل حده
أتركه لا تمنعه لك مني ما أصده
وأشيله بين كفوفي وأضمه ماأهده

دامه عندي لا تحسب أنه سجين
قلبك على راسي مثل التاج فوق الجبين
لاغرقه من الحب والشوق ليمن يستكين
ويومن تطلبه يرجع لي يرده الحنين

قلبق ذاق حبي لا تحرجه
صعبه يحب غيري لا تغصبه
مهما محيت صورتي ومني تحرمه
تبقى جدرانه دوم فيني تذكره

مغليك ياحبيبي ماتقدر تجافيه
هو من الحب مخلوق ومنعجن فيه
وماخذ من الشوق إسمه وأحلى مافيه
وإن صابك الزمان بجرح هو بإذن الله مشافيه

وإن ماسرتك أحوالي أرحل لاتبالي
مغليك ياعمري ماهوب أناني
صدق بيحزن ويفقدك ليالي
لكن عنده يقين بردتك ياغالي

يجيلك يوم تعرف مين يحبك
وتعرف مين اللي من الغالين يعدك
مصيرك وعيونك دميعه بتدرك
إنك غلطت في صدك وفي هجرك

بترجه للي يعيشك عيشه هنيه
وتنسى بقربه الأيام الشقيه
بترجع لحضن يضمك ضمه سخيه
ولأنسان لو تطلب عيونه قال لك شويه

تفداك النظر والشوف والروح تاليها
وشعاد أنا عايشه في حياتي وكني بلياها
أسأل عن روحي وعندك ألاقيها
ياليتها تروح وتبقى يابعد عمري بدلها

تذكر وشلون أناديك ياروحي وتسمعني
تعرف ندا شوقي وتجاوبني
يكفي أهمس بقلبي وينك وتفهمني
وتعرف متى موعد لقاي وتنطرني

لا تندهش يالغلا أنا كلي عجايب
عادي تحس نفسك في وجودي غرايب
مثل تحس مثل الورق وانا النسيم والهبايب
عادي انا في نيتي أرفعك فوق البشر والحبايب

في نيتي أكتب سيرتك بأشعاري
وأكتبك في صفحة العشاق تذكاري
وأكتب زماننا كله ولا أخبي ولا أداري
عسانا مانعيشه إلا والكل داري

نفسي يعلم الكون كله والعواذل
إنه حبك أحلى حلم يجول بالخواطر
متمكن حيييل حييييل بالعواطف
يثبت أنه الصدق موجود لو إحنه الأواخر

دايم كنت أسأل صادق الإحساس وين ألاقيه
دلوني على شخص ماتبرى من أخلاقه ومباديه
مين بدنيتي قال أحب إلا عشان الوقت يقضيه
إلا حبيبي لقيت كل المواصيف تجتمع فيه

سألت عن الحب والوفا عليه دلوني
سألت عسل قلبه بالله أحلفو لي
سألت عن الطيبه ولأخلاص عليه شاورولي
قلت أختصر كل شي وأسأل عنه حبيبي

أسأل عليك وأسلمك شعري أمانه
أسلمك إحساسي كتبته بعنايه
أسلمك كل الهشق ماهي جماله
أنا ما أجامل الشعر ولا بالكتابه

انا ماني قوية باس ولاني شديده
ولاني بالدلع والدلال قلت باجيبه
بس كتبت إني أحبك بقصيده
ونويت بصدق أكون لك أوفى حبيبيه

لاقريت القصيده تذكرها
تذكر اللي قدرك وقدرها
وتذكر لو حان الفراق وعذبها
تبقى لك في القلب معزه يــــــــــــــاكبرها

والحين حبابي ابي رايكم وأحساسكم وشعوركم وتفاعلكم وكل شي يجي منكم