كيف انا من دونك

كيف أنا من دونك ؟! عارف لما تتأخر ؟! وما تسأل .....
ولما تغيب !! ويمر الوقت ؟!
ويعدي اليوم وما تحمل لي النسمة شذى عطرك.... نغم همسك.....
يغيب الصوت وأحس الموت ولا نبضة علي تفوت ....
وتوقف دقة الساعة وتتجمد عقاربها...
أنت الصمت في صمتي.... وأنت الصوت في صوتي ..
وأنت الضوء في صبحي.... وأنت الكون في حياتي ..
الملم غربتي بجوفي وحزن الدرب من خوفي.... وأقول أزعل وأصمم عنك أبي أبعد...
أبيك تحس بغيابي... أبيك تسأل عن أسرابي... عن طيوري وهي تغرد وترسم خط بكتابي...
ولا تســـــــــــــــــــــأل ؟!!........
وأرميها من التقويم ويخلص دفتر حسابي...
وحين أزعل أحس الأرض تتحرك.. تزلزلني... تعثر خطوتي وأطيح بس أصبر وأتحمل
وقلبي يبتعد ويشيح عن إحساسي... وطعم المر في كأسي... ويسألني عن اللي كان يحملني
وأشوف الدنيا بعيونه عن أحلى لون بألواني ؟! عن اللي خطوته ذابت على بابي وصارت لوحة منحوتة بمحرابي
وأتحمل وأقول أزعل ونجم سهيل يسألني ويطول الليل وأذوق الويل
ويسألني ظلام الوقت وجور الصمت... وصدى الأركان ؟!
عن الضحكة.. عن الألحان.. عن وجه بأعماقي.. وعن رسم بأوراقي وعلى الجدران
وأتعب وأسمع الباقي وأتحمل وأكمل خطتي وأغضب ويسري البرد في كفوفي
وحولي تصغر الدنيا.. تغيب الشمس في حروفي.. وتتهلل مدامعها ويتغير مدى شوقي
وتقسى الناس في عتابي.. وتتعلق دموع العين بأهدابي...
وتسألني ؟! عن إحساسي أقول ما أقدر أبي أرجع.. أبي أسامح.. أبي أصفح عشان ترجع لي أحلامي
صعب النوم بدون أحلام... وقلت يكفي خلاص أرجع ترى مني الزعل طول أبي حبي....
مثل أول أصالحهم لقيت أني زعلت اليوم وقلت أرجع في نفس اليوم.